موطني الجنه بقلم شريف بدوي

موطني الجنه
بقلم : شريف بدوي

نحلم .. آه
بس نخلي الحلم 
الساكن فينا
يعدي حدود الأرض ..

نحلم .. ونخلي الحلم
يعدي حدود العمر ..

نحلم بالجنة
ونخليها وطنّا

لأحسن وطًنا الأم انهد
ومعدش يساع لحد

وأصبح ليل ونهار
بيموت فينا ..

ممكن ميكونش بيقتلنا
لكن بيموت فينا ضميرنا
بيموت مشاعرنا ..

وحنعيش إزاي
من غير ضمايرنا
حنعيش إزاي
من غير م نحس ببعض ..؟

ف الجنه مش
راح نكره بعض ..

ف الجنه مش راح
نتمنى الشر لحد ..

فوق كل ده
حلمنا بالجنة
حيخلينا نحب ف بعض ..

حيخلينا ف الغربة
لما نعود لوطنّا
نتمنى نقابل بعض ..

يبقى نخلي الجنه وطنّا
وكفاية بقى نحلم بالأرض ..

نخلي الغربة
تبقى عن الجنة
والبلد اللي انا
متغرب فيها الأرض ..

אהבתי

אהבתי

אהבה

חחח

מדהים!

עצב

כ

הגיבי