عارف انى كنت قاسي
وعمري ما حنيت
عشت عمرى كله ناسي
ولا مرة قلت ياريت
ناسي نفسي ماشي عكسي
كل حاجة عملتها صح ماشى
ولا عمرى مرة حسبتها
حتي الغلط ولا كان فى راسي
شاب طايش
المهم انة عايش
امى تعبانة فى بيتها
وعمرى ما حسيت عشيتها
غير انام غير اقوم
يالا يا مة عايز اكل
يلا يا مة اكوى الهدوم
وهى حاضر
بس يابني ووحدة وحدة
تعبت مش قادرة اقوم
كانت الام تربى
كانت الام تخبي
كل غلطي عن ابوية كل يوم
امي
عمرى ما حسيت بتعبك
ولا مرة يامة سألت عنك
ولا قلت مرة اية اللى تعبك
وانتي شايلة كل همي
كنت لو كحيت تسمي
لوحسيتى بية حاجة
تسهري مايجيكي نوم
تدعى رب اشفى ابنى
ودمعها ما تقدر تخبي
كانت تشيل كل الهموم
هم ابوية ..هم اخوية
هم دارها يا مرارها
امى شيالة الحمول
وانا ليها كنت طاغي
عمرى ما خفيت حمولها
كنت ماشي ورا دماغي
وجاكي الالم يامة فى يوم
ااااه يا عذابى لما عيوني
شافت عيونك لما لاموني
حسيت بذنب بكي عيوني
ومن ساعتها شلت الهموم
حسيت بغربة حسيت بقربة
والدمع ينزف من العيون
تعبتى يامة
يا احن ضمة
ياااااا رب ترحم
يا رب سلم
يا رب سيبها وحيات حبيبك الرسول
لما اوفى يوم من تعبها
سامحيني يامة
ابنك خلاص عرف الاصول
بس عرفها بعد ما فات الاوان
بعد ما ضاع الهني
بعد ما جف الحنان
ياخسارة يامة على الامان
ضاع من حياتي بعدك يا نبع الحنان
سامحيني يا مة على عملتة
فيكي زمان ربي يسامحني
بلبل عثمان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.