وساعة العصريه وانا نايم
سمعت صوت بيقول الدايم
وصحيت انا وروحت قايم
والعرق علي وشي عايم
والريق ناشف اكني صايم
صاحي انا ولا نايم
ميكونش احنا في شهر العزايم
طب ليه الكل حاوليه نايم
هي ضهوريه ولا عصريه ولا مغربيه
واسال ليه ما انا فيه رجليه
مشيت بصيت في السما بعنيه
فجاه ارتجف كل ما فيه
نجوم وقمر في العصريه
ميكونش يوم القيامه ديه
حد يا ناس يرد عليه
في حاجه في السما ولا في عنيه
والكل صحي يبص عليه
يسغربو ويهدو فيه
يبني دي حاجه طبيعيه
احنا ساعة فجريه
وشربت شوية ميه
فعلا فيه تسابيح
ااااه
وفي صوت تواااااشيح
وفي صوت تواااااشيح
والصلاه يا مؤمنين الصلاه
ووحد الدايم
ونويت وروحت صايم
ودعيت دعوتين
للصلاه وروحت أيم
وصليت الركعتين
كلمات/على عواد حريز
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.