زْمَانْ الْفْلُوسْ وْ الضّْسَارَة: بقلم الخائف من الظلم المهدي العمري.

زْمَانْ الْفْلُوسْ وْ الضّْسَارَة:
فْزْمَانْ ظَالْمْ مْنْحُوسْ
الْفْلُوسْ يْعْنِي الضّْسَارَة
عْنْدْكْ الْفْلُوسْ تْصِيرْ ضَاسْرْ
تْوْلِّي حْيَاتْكْ بْالْفْسَادْ خْسَارَة
فْاللّْخّْرْ انْتَ الْخَاسْرْ
وْ أَنَا وِيَّاكْ عْصَّارَة
جَهْلْنَا بْشِدَّة حَاضْرْ
صَارْ الْعْصِيرْ بْجْهَارَة
عْقْلْ الأمَّة خَامْرْ
نْفَايْشُوا بْهَاذْ الْحَضَارَة
مُولْ الْفْلُوسْ فْطْرِيقْهَا مْسَافْرْ
مْفْطّْحْ مْرْتَاحْ يْتْأْمّْرْ
بْكُلّْ مَا يْتْمْنَّاهْ ظَافْرْ
وْ الْهْمُومْ دَايْرَة قْصَارَة
عْلَى المْزْلُوطْ تْرْدُّو سَاعْرْ
الظُّلْمْ وْ الْفْسَادْ وْ الْجَهْلْ حْفَّارَة
لْكُلّْ النَّاسْ فْالدّْنْيَا مْقَابْرْ
مَا كَايْنْ غِيرْ سْدّْ وْ صْمّْ الآذَانْ
مَا كَايْنْ غِيرْ كْلاَمْ خْبِيثْ عْلَى اللّْسَانْ
مَا كَايْنْ غِيرْ سْبّْ فْ الله وْ فْ الدِّينْ وْ بْدْهْلْ الإِسْلاَمْ
وْ نُوضْ احْتْجّْ بْ نِفَاقْ مْنِينْ الْغْرْبْ يْسْبُّوا الْعْدْنَانْ
هِيَ الْفْلُوسْ عْمَاتْ قْلُوبْنَا
وْ الْبَنُونْ لِّي فْالدّْنْيَا حْبّْنَا
الطّْرِيقْ الْمُسْتَقِيمْ نْسَّاوْنَا
وْ فْتُوهَة وْ ضَلاَلَة شْبْنَا
وْ نْسِينَا لِّي يْرْبِّينَا الله رْبّْنَا
وْ أَنَا تَايْهْ سْقِيمْ وْ عْلِيلْ
نِيرَانْ فْقْلْبِي فْنْهَارْ وْ لِيلْ
إِيمَانِي يْعْلاَ وْ يْصِيرْ قْلِيلْ
خُوفِي فْيُومْ نْضْلّْ وْ يْزِيدْ الذُّلّْ
وْ تْزِيدْ الْحْكْرَة وْ نْبْقََى عَايْشْ دِيمَا ذْلِيلْ.
............من توقيع/الخائف من الظلم المهدي العمري.