اوعى تخاف بقلم شريف بدوي

إوعي تخاف
بقلم : شريف بدوي

لما تخاف
اوعك يعرفوا إنك خايف

اوعك يقرو الخوف
ف شفايف ..

اوعي يشفوا الخوف
ف كلام ..

وإوعي عينيك
تعلن خوفك ..

خلي عينيك
تعلن جبروتك ..

خلي القوة
تيجي من صوتك ..

لما تكون بتخاف تخسر
إخسر .. علشان
عمرك ما تكون أبدا خايف

الخوف مش بس
يخليك تخسر
وكمان بيخليك حزنان

إخسر خوفك
تكسر حزنك ..

علشان تقدر
تمضي ب عمرك
عمرك ما حتقدر
تحيا بخوفك ..

واللي يشوفك خايف
يملك عمرك
يملك أمرك ..

إوعك حد
بشوفك خايف

إوعك تتقلب
اوعك حد يشوفك قلقان ..

الدنيا مليانة ديابة
تتمنى تشوفك خايف
تتمنى تحس إنك قلقان ..

صوتك .. جبروتك
يرعب أياً كان ..

خليك ديب
نظرة تخلي اسود
قدامك خرفان ..

إبكي .. لكن
من غير م يشوف
حد دموعك ..

خاف .. لكن
اوعك حد يحس بخوفك

اوعك حد يحس
إن انت جبان ..

Sherif Badawy

אהבתי

אהבתי

אהבה

חחח

מדהים!

עצב