- وْقْتْ الشّْدَّة: بقلم الخائف من الظلم..
كَانْ يْحْلْمْ فْ وْقْتْ الشّْدَّة يْعْتْقُو قْلْبْ كِي الْوْرْدَة
يْهْدِيهْ عْسْلْ وْ يْذْوّْقُو شْهْدَة
لْقَى الْبْرْدْ يْسُوطْ بْ شْدَّة
فْ قْلْبُو بْرْقْ فْ رَاسُو رْعْدَة
فْ حْيَاتُو مُوتْ كُلّْهَا ضِيقْ
حُزْنُو طُوفَانْ هَاذِي مُدّة
نَامْ يْحْلْمْ مَا قْدْرْ يْفِيقْ
كَابُوسْ قَارْمْ عْلِيهْ بْ شدّة
الْفْلُوسْ خْطَاوْا ذِيكْ الْجِيبْ
لِّي مْقْطّْعْ فْ سْرْوَالْ عَتِيقْ
فْقْرُو كَانْ أَكْبَرْ عِيبْ
لِّي عْنْدُو عْلِيهْ رَاهْ يْعِيقْ
تْبَانْ الشّْمْسْ تْجُورْ عْلِيهَا الْغْيُومْ
كُلّْ الْبِيبَانْ تّْسْدّْ أَلْعَنْ سْدَّة
يْضْرْبُوا الزّْمَانْ تْبَانْ لِيهْ النّْجُومْ
فْ عِزّْ النّْهَارْ وْ يْعَانِي مْظْلُومْ
دَايْخْ تَايْهْ عَايْشْ وْحْدَة
أَحْلاَمُو عَايْشَة دِيمَا عْذَابْ
مّْزّْق الشُّوكْ فْ قْلْبُو وْرْدَة
آمَالُو فْ طْرِيقْ كُلُّو سْرَابْ
آلاَمُو ضِّيقْ عْلِيهْ بْ شْدّة.
..........من توقيع/الخائف من الظلم المهدي العمري.
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.