ورثنا الدمع بقلم طارق عطيه

ورثنا الدمع

راحت سنين وجت سنين
من عمرنا
قلبى اللى عاش عمره حزين 
وده بختنا
وخدنا ايه غير الانين
انت وانا
كفاية جرح ودمع عين
فين الهنا

قلبى اللى راح وكان براح
يساع حبنا
مفضلش فيه غير الجراح
مكتوب لنا

طب ليه يافرح نسيت مكاننا
وحضننا
وتسيبنا ليه للحزن هاننا
وسبنا
عايزين نعيش بقيت زماننا
فى حبنا

ولا الزمان ولا المكان
بيهمنا
حارم قلوبنا من الحنان
من كام سنة
ورثنا ايه من الزمان غير
دمعنا

حروف ومعانى