اتنطط وسط أفراحها
احضن نسمتها من
ورا الكواليس
عايز أعيش
ودموع القهر ماتندهليش
آخد نصيبي من بق الوجع
أطفش لبعييييييييييييييد
امهد طريقي المليان أشواك
وأقول ياعمري لسه بستناك
اللي راح راح ياقلبي
ما يهمنيش
ايه ابكي عليه............!!!
ابدأ من تاني
خطوة خطوة
ابني الأماني
حتي لو الجيب مافيش
اقع أقف من تاني
أقول لروحي
بس أوعي يوم
تيجي تنكسر
وتسلم لرياح القهر
خلي حلمك قدامك
وارسم بكرة بأيدك
ماتغرقش دايما
في أوهامك
حلمك لسه بينادي عليك
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
شعر / محمود مسعود ( شعر عامي )8/3/2016م
אהבתי
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.