الكبير
27/3/2016
...............
الكبير
مش بالكلام
الكبير كبير قدر
وبين الناس محفوظ المقام
أوعاك تقول
عشان كتبت كلمتين
يبقى خلاص بقيت كبير
يبقى خلاص بقيت تمام
أوعاك يا ولدي
تقول بقيت
أوعاك يغرك الكلام
أصله رخيص
وقبلك ياما أنقال كلام
خليك كبير
خليك راجل
أصل الكبير
عمره ما كان بياع كلام
الكبير بيلم
كل الناس وحوليه
وينصف قلوب المظلومين
أصله وطبعه راجل همام
أصله كبير
لازم ياولدي
وسط الرجال تكون راجل
ومش أي راجل
راسك تناطح في الغمام
أوعااك تبقى
في يوم هفيه
أو تاكل لقمة م الحرام
خليك كبير العقل
وخلي قلبك للجميع وطن وسلام
ما تقولش
دايما كلمتك تمنها كام
وأوعااك
تصاحب الخسيس
أصل الخسيس طبعه كده
دايما يا ولدي يبيع كلام
الكلمة عنده بأرخص تمن
وأن جار
عليك مرة الزمن
أوعااك تخاف
خلي الظروف الصعه تظهر معدنك
ومهما تشوف
في دنيتك خليك حمامه للسلام
خليك يا ولدي كيف الحمام
تشتاق تشوفه كل يوم
مهما يغيب
عن ناسه محفوظ المقام
طبعه أصيل
وطبع الأصيل كيف الوطن
عمره ما قال حبه بكام
أصله كبير فعله كبير
ماهوش خسيس وبتاع كلام
أصل الكبير مش بالكلام
الكبير يا ولدي
كبير قدر
وبين الناس محفوظ المقام
.....................
بقلمي/ حمدي رمضان.ابوعمرو الريشي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.