حاتيجي و تحضني ـــــــــــــــــــ بقلم الاستاذ // محمود مسعود

حاتيجي و تحضني
ــــــــــــــــــــــــــــ
لحظة !!
بشبه عليك
مش دي برضو
عنيك
مش مصدق
رغم البعد عنك
التخفي والمشي
جنب الحيط !!
مش عادتك
دايما ألاقيك
كنت في مولد
وسط الزحمة
ناس كتير وخلق
مش فاهمة
بتتنطط ليه
دروشة
فاهمة إن الغم
والا الهم مدلهم أيديه
حوطهم بجناحه
شربهم أتراحه
لحد ما رجعوا بلاويه
وفي وسط المولد
يجي كلب حزين
من بين ألوف يختارني
يجري يجري يجري
ومن رجلي يعقرني
فكرت فيك
وحياة عنيك
مش برضو ملازمني
حاهرب منك فين
حتى لو وسط ملايين
حاتيجي تحضني
وتصيبني
الله عليك !!!..................
ــــــــــــــــــــــــــــــــــــــــــــــ
بقلمي / محمود مسعود ( عامي ) 5/3/2016م