انا وبلدي ......بقلم الاستاذ // طارق عطيه

انا وبلدي

لما رجعت من غربتي لقيت بلدي بتسألني
أنت مين
قولتلها يا أما أنا أبنك اللي عايش فى حضنك
من سنين
لما رجعت تسألني تاني السؤال ذودت طعم
الانين
قلتلها يا أما أرحميني هو أنا حلاقيها بس
منين
لما حسيت في كلامها بعبرة ونبرة صوت
حزين
لقيت حنانها جوة قلبي ماهي اللي معلمة
قلبي الحنين
قالتلي ياأبني سبتني وحدي ااسي وكنت
عايش فين
قلتلها وسط ناس لا ف.قلوبهم رحمة ولا
تعرفيلهم دين
قالتلي طب يا ضنايا طمني كنت بتاكل
منين
قلتلها علي رزق الله مالك الملك ربي
ورب العالمين
قالتلي كنت خايفة علي ولادي ليكونوا
فى المجروحين
قلتلها طول ما انتي حرة يا أما بتبقي
قلوبنا متطمنين
قالتلي ترابي اللي كنتوا بتدوسوه بجزامكوا
بالرجلين
بكرة ان جرالي حاجة حتندموا وتقولوا فينك
يا أما فين
قلتلها يا أما ترابك سوادة من لون بشرتي ولون
سواد العين
وأزاي حنقدر نعيش انا وانتي يا اما من غير ما
نبقي أتنين
قالتلي عايزين يقسموني بجبروتهم والخيانة
لحتتين
وأنا أصيلة وبنت بلد وبقلب واحد وعمره ماكان
قلبين
قلتلها انتي واحنا روح واحدة وعايشة في
الجسدين
لو فكروا تحرم علي لقمتي لحد ما أرد لك
يا أمي الدين
قالتلي يا ابني انا حسه خلاص مبقاش فاضل
فى عمري سنين
قلتلها يا اما صدقيني انتي كيان عايش واحنا
اللي ميتين
جيل ورا جيل بيورث الامانة وحملك على الكتاف
شايلين
عمري ما حكل منك لا أنا ولا ابني ولا كل اللي
فيكي عايشين
أنا مسلم لكن معايا بقلبهم والمحبة اخواتي
المسيحيين
عمر ماحد راح يعرف يفرق بنا لو حتي مين
عايزين
قالتلي تسلم يا ولدي رفعت رأسي بقولك راية
في العاليين
اللهي يحرسك يا ولدي ولا ينكتب علي ولادي
ضنين

طارق عطيه