كونك جانبي بقلم عمرو اللمعى

كونك جانبي بحس بحاجه مش طبيعيه 
انتي اساسا احلي هديه 
دعوه من امي شالوها ملايكه 
وكانت طبعا مبسوطه مني 
وراضيه عليا 
اجمل حاجه اني اشم الورد البلدي 
جوه شفايف تمر الحنه 
احلي شعور لما بهيه تقولي ياولدي 
يخليك ليا 
جوه عنيكي سرحت ف ورقه كنت كتبت عليها 
بحبك ايام ثانوي 
اول واحده مسكت ايديها 
وكنت ساعتها هموت م الخوف 
فاكره الساعه؟ 
فاكره هزارنا ؟ 
فاكره بحبك وبموت فيك؟ 
ولا سجايري الفرط اللي انتي 
كنتي تقولي عليها قباحه 
وانت حبيبي كتير شطور 
لو دخنت هولع فيك ؟؟
انتي فين 
بيقولوا ماتت 
واني بقالي سنين احاسيسي كتير مجروحه 
وان بيبان الموت مفتوحه 
كنت هموت نفسي ف بعدك  ياما كتير 
واني عشت ف الغيبوبه وقت كبير 
واني بعدك كنت حزين 
واني لسه خارج  بعد الحادثه 
من معاناتي بعد فراقك
جوه عنبر المجانين 
#عمرواللمعي