يا شيب العمر عتّقتك قصيدة
وسكبتك حرف من جرحة نهيدي
تا نقّي من شقا عمري صوابو
وعا لحن الحلم غنّيلو نشيدي
القصيدة للقدر دقّت عا بابو
فتحلا وزاغت النظره الشريدي
وبروعتها صدق ظنّو وحسابو
وعطاها جوهر الدرّة النضيدة
انا للحرف عم جدّد شبابو
وما برضى كلمتي تبقى وحيدة
عزمتلا الخيال باٰنسيابو
تا تسكر مع خيالي عا نبيدي
انا للشعر مستحلي شرابو
وعنقود الشعر بيوم عيدي
عصرتو خمر تا صفّي عذابو
وعلى خمر القوافي جيت اسكر
انا والحب وبيوت القصيدة
عادل بدّور
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.