مجروح يا وطن..... بقلم الاستاذ //عماد وهبه

مجروح يا وطن والجرح نازف مر
ومعدش فرحه فأرضنا ولا أي شئ بيسر
لما القلوب إتحجرت وإتفرقوا الاخوات
كل الاماني اتمررت والزرع الاخضر مات

مالكم بقيتوا يا عرب تجار كبار للموت
والدم ليه بينكم رخص والحق ملهوش صوت
زينه شبابكم والامل تحت التراب مدفون
وعيالكوا شافت م الالم والذل ألفين لون
علي إيه ياساده بنختلف ودمارنا هوا الحل
بغبائنا لازم نعترف وكفايا دم وذل
عماد وهبه