القلب الحنين بقلم المهدي العمري

الْقْلْبْ الْحْنِينْ فْ خَبَرْ كَانْ:
كَانْ وْ كَانْ وْ كَانْ وْ كَانْ ذِيكْ الْقْلْبْ حْنِينْ كَانْ
عْلَى الْفَقِيرْ يْضْوِّي الْمْكَانْ صَالْحْ تَقِيّ طَاهْرْ فْنَّانْ
شْدُّوهْ وْ بَاعُوهْ لْ وَادْ الْهْمُومْ لْكْلاَمْ الشِّيطَانْ وْ للغِيبَة سْمُومْ
فْنَاتُو وْ رْدَّاتُو قَاسِي مْجْنُونْ رَاهْ جَالْ و جَالْ وْ عْطَى الآمَالْ
الْعُقَدْ يْدَاوِيهَا وْ يْحْلّْ السُّؤَالْ رْدَّاتْ صْدَاهْ هِضَابْ وْ جْبَالْ 
مَالْكُو إِنْسَانْ خْطَاهْ الْمَالْ ذِيكْ الْقْلْبْ فْقْدْ الآمَالْ
كَانْ يْحْلْمْ كَانْ وْ كَانْ آخِرْ مَا يْفْكّْرْ فِيهْ هُوَ الْمَالْ
وْالْمَالْ صَارْ مْعْبُودْ الإنْسَانْ فْزْمَانْ بْلاَ ضَمِيرْ مْضْيّْعْ الإيمَانْ
بْظُلْمْ وْ انْتِقَامْ وْ طُغْيَانْ وْ بُهْتَانْ
الرُّوحْ فْنَاتْ فْنْفْسْ شْبَّاتْ فِيهَا نِيرَانْ وْ نِيرَانْ
مْنْ حِقْدْ وْ ذُلّْ وْ أَوْهَامْ سَاسْهَا مْنْ الظُّلْمْ وْ حُبّْ الإِنْسَانْ
لْمَالْ جَارْ عْلَى الزّْمَانْ وْ المْكَانْ ضْيّْع فِينَا الْحُبّْ وْ الْحَنَانْ
بْعْدْ مَا كَانْ عَدُوّ الشِّيطَانْ يْقْلّْبْ عْلَى الْحُبّْ يْقْلّْبْ عْلَى الْحَنَانْ
تَاهْ فْطْرِيقْ الشِّيطَانْ مَا عَادْ يْحْلْمْ وْ مَا عَادْ يْنَامْ
بَاغِي الْمَالْ بَاغِي الْمَالْ لِّي صَارْ صُورَة لْلأَصْنَامْ
يْصْرْخْ يْصْرْخْ فِينْكْ يَا مَالْ فِينْكْ يَا مَالْ فِينْكْ يَا مَالْ
مَا جْرَى جْرَى وْ شْكُونْ لِّي دْرَى
بْحَالْ الْمْسْلْمْ جْرُوحُو مَا تْبْرَى
قْلْبُو عْمْرْ بْالْغِلّْ وْ الْحْسْرَة
يَا حْسْرَة عْلِيكْ يَا مْسْلْمْ يَا حْسْرَة.
...............من توقيع/الخائف من الظلم المهدي العمري.