التاج بقلم الشاعرالرائع اسامه عبدالقادر
التاج
ادفع ضريبة صحتك
ساهم في نهضة قريتك
شيل الحمول
عن كل محتاج سندتك
اوعاك تكبر ف.الدماغ
صلي وكبر للإله
شارك بجهدك
وانزل بقرشك
لجل متدوم المحبه
ويوصل دعاهم
لبيتك
وحتى فرشتك
وارفع الصوت بالسلام
لما تكون بادي الكلام
د. المحبه والسلام
أبدا
ما يحتاجو علام
علم الناس من علامك
وقدم مع العلم ابتسامك
وطبطب على كتف المريض
وهون عليه بالأمل
في إن بكره
هيلقى شفاه
وتغادره أنات الوجع
لأنه فعلا
هوه ده
أحسن مناه
ولسه بيداعبه الأمل
د.الصحه تاج
ومش أي تاج
تاج
مش لازمه العلاج....
أسامه عبدالقادر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.