اسكتوا ..بقلم محمد فارس ابوعمار..

**اسكتوا طبول الحرب**
نداء للعالم شرق وغرب
اوقفوا الكراهية والعداوة
انزعوا فتيل الحرب
بسم الحريه
غرزتوا خنجرفى كل قلب
وبسم الديمقراطيه
ابادتوا شعب وبعده شعب
كم من بيوت اتهدمت
وكم من نساء اترملت
واطفال كتير اتيتمت
وشعوب بحالها اتشردت
زرعتوا فتنه فى كل دوله
وكل دار
خليتوا كل عاقل
من مكركم يحتار
حكمتوا مين يعيش
ومين يتحرق بالنار
واهى موته تحت بيته
اوحتى فى عرض البحار
الكل سلم لمكركم
ولاحدعارف ياخدقرار
غيراللى سلم لموته
يا امايختار الانتحار
وهى موته ولاغرقه
احسن من حياة العار
ماانتوا قلتم عندالعرب
اسلحة محرمه ودمار
وكابت كدبه صنعتوها
وصدقها الاستعمار
وبكدبكم اشعلتموها
نار وخراب ودمار
اديتوا سلاح للعصابات
عشان تدافع عن نفسها
اما الحكومات
عليها تصحح من وضعها
لحدامته نفضل كده مستضعفين
بعدسوريا والعراق واليمن
وبرضه ليبيا ولاناسين
وقبلهم كان الصومال
والسودان وفلسطين
وياترى بكره الدورعلى مين
ماهى اباده بعد اباده
وشكرا لكم
عاملين حقوق للاجئين
مسلم مسيحى مادمت عربى
لازم تسكت تستكين
لالك حقوق ولاكلام
لازم تكون م الطائعين
عشان ابادونا بالديمقراطيه
وفى الاصل عشان مسلمين
ماهو ده اصل سلامهم
والف سلام ع الساكيتن الصامتين
عشان ودنهم واحده من طين
والتانيه برضو طلعت من عجين
***********************
رثاء لحالة التردى التى وصلنا له

• كلمات / محمد فارس ابوعمار

حب ربي...بقلم د ماهر..

حُبُّ رَبِّي
رُبَّ آهٍ بَعْدَ هَجْرِ = عَزَّزَتْ لِلْعِشْقِ حَظْري
في زَمانٍ صارَ لَيْلًا = خانَتِ ٱلْبَيْضاءُ فَجْري 
في كُسوفٍ رَغْمَ أَنْفي = ظَلَّلَ ٱلْجَوْناءَ بَدْري 
دَوْرَةُ ٱلْأَفْلاكِ تاهَتْ = إِنَّها عِلَّاتُ قَهْري 
إِنْ عَبَرْتُ التِّيهَ أَنْجُ = راجِيًا إِصْلاحَ أَمْري
ذاكَ فَضْلٌ مِنْهُ رَبِّي = في رِضاهُ طابَ عُمْري
نورُهُ يَهْدي مُريدًا = ذِكْرُهُ في ٱلْكَوْنِ عِطْري
كُلُّ حُبٍّ ضَمَّ حُزْنًا = حُبُّ رَبِّي زادَ بِشْري
يَوْمَ أَنْ أَلْقى ٱلْإِلٰهَ = صالِحُ ٱلْأَعْمالِ ذُخْري
مُتْعَةُ ٱلْإِيمانِ ذِكْرٌ = وَٱبْتِهالٌ بَعْدَ شُكْرِ
حُبُّ رَبِّي لي نَجاةٌ = مِنْ عَذاباتٍ وَعُسْرِ

• د ماهر

ثورة غضب..بقلم محمد العربي..

ثورة غضب 
يا كل حكام العرب ثورة غضب 
على كلمة الحق اللى غايبه بعيده عنكم 
على الضمير و الهيبه و العزه اللى منكم 
على العروبه اللى اتنست فى بلاد غريبه 
محسوب عليك
محسوب عليك و هتتسأل
على كل واحد حقه ضاع
محسوب عليك اللى اتظلم
و اللى اتحرم و اللى اتألم
هجر و خداع
و اللى اتقتل و اللى اتحرق
و اللى هرب م الموت
و بيموت م الغرق
شفت الجثث ماليه
الشوارح و المطارح و البيوت
شفت اللى حى و لسه عايش
نظرته مرعوبه خوف
شفت اللى بتموت كل يوم
من غيرسبب أطفال بريئه
هتفيد بايه السلطه و الجاه
و الفلوس و قت الحساب
هتروح محمل بالذنوب
بكره لايدين رب العباد
و هتتسأل 

• بقلمى \ محمد العربى

عيد العمال..بقلم أميمة عبد الحميد..

• عيد العمال كلمات:أميمه عـبد الحميد

ياعامل ياشقيان يااللى تملى تعبان
مصر مش هتنسى فضلك عليها
وتدعيلك بالعمر المديد كل أذان
مصر أمك تناديك تعمر كل مكان
أديك مشققة والعرق يسيل
جايب أنتاج بكرة والخير وفير
تعبت وشقيت يامصرى بأمانة
مصر تحميك وبخيرها رويانا
لولا العمال ولولا الصنايعية
هما الابطال ليك أنت وهى
لولا وجودهم وتعب يومهم
ماكنت لاقيت بذرة خير أنت
عيدك اليوم ومصر تحتفل بحفاوة
وقليل عليك تكريم أنت تستاهل
كل خير وكل حب وتقدير منا
لولاكم ماوصلنا لمكاتبنا و أتهنينا
جينا اليوم نهنى أبطال الكفاح
اللى نقطة عرق منهم أمجاد
مجدك وأسمك وصنعتك شرف
كل صنايعى منكم بمهنته محترف

كيف لأسوار..بقلم منى خليفة..

كيف لأسوار واهية أن تحاصر فكرى
نعم تخنقنى
تعجزنى
تتناوب على هلكتى
ويوما كنت امتطيها بعزة وفخر
تتوالى الأقدار
ومتى الفرار ؟
وإلى أين يقودنى دربى ؟
أيا مدينتى لما تثيرين غربتى
وتمعنى فى إيذائى وتزيدى قيدى
وأنت أنت كيف تصرين على انتزاعى من جذورى
ولم تبالى بصرخات تمزقنى
لما تصرين على بث شظايا ألم يباغتنى
غدا سيأتى
لن أعلن الحداد رغم كونك يا مليكة
لم تتركى لى خيارا سوى البعاد
سوى التردى فى متاهات الغياب
فليكن رحيلا يعصرنى
أيا بغيتى إلى أين وجهتى
فكل المدن قد حاصرها هذا الضباب
يلونها الحزن يسكنها التحدى
فلا تردى بإجابات لا ترضى
حلب تباد !!!
وككل فجيعة تأتى
لا نملك سوى الترجى
سوى الدعاء
سوى كلمات نرددها سويعات ثم نمضى
والطفل يصرخ مستغيثا ولا ملبى
ليتنى ألبى
وأمسح عنه ما اعتلاه فى زمرة الزعر قلبى
الكل يبكى
بقلمى
‫#‏راقية_بقرآنى‬

• ‫#‏منى_خليفة‬